Resous sa a parèt nan seri : La Petite Pétra
La Petite Pétra se yon seri liv bileng an kreyòl ak franse pou ti moun. Nan liv sa a, otè a, Krystel Armand Kanzki, envite ti moun yo dekouvri « Choukoun ». Se Michel Mauléart Monton ki te konpoze li nan 19yèm syèk sou baz yon powèm Oswald Durand — yon gran sanba ayisyen. Krystel rete kwè, si nou aprann ti moun yo chante chan ki nan fòlklò ayisyen an, sa ap ede yo devlope idantite kiltirèl yo. Nan jou k ap vini yo, n ap kontinye pibliye lòt liv nan seri La Petite Pétra a sou Platfòm MIT-Ayiti a. Mèsi Krystel !
Gade PDF la sou tout lajè ekran an.
Krystel Armand Kanzki fèt ann Ayiti e se la li grandi. Li se manman 2 pitit. Li se yon kontab e yon antreprenè. Se depi an 2018 Krystel ap pibliye liv bileng pou ti moun. Se pitit li yo ki te enspire l ekri seri liv bileng La Petite Pétra pou tout ti Ayisyen ak ti kat kat nan lòt nasyon ka pwofite. Mèsi Krystel pou kreyativite w, jenewozite w e pou pataj bèl liv sa yo pou tout ti moun ki ta renmen
