Platfòm MIT-Ayiti

Konferans Michel DeGraff konsènan Platfòm MIT-Ayiti

Nan dat 12 jiyè 2021, Pwofesè Michel DeGraff, ki se youn nan lidè MIT-Ayiti, te prezante yon konferans sou enpòtans kreyòl pou edikasyon ann Ayiti — « Pou yon lekòl tèt an wo ». Se Kimberly Green Latin American and Caribbean Center, nan Florida International University (FIU), ki te òganize konferans lan nan kad Haitian Summer Institute ki se yon seri aktivite sou lang kreyòl e sou Ayiti ke FIU ofri chak ane. Li plis...

Fich prezantasyon MIT-Ayiti

Inisyativ MIT-Ayiti ap feraye depi 2010 nan mouvman pou amelyore kalite edikasyon ann Ayiti sou fondasyon syantifik ki pwone pedagoji entèraktif ansanm ak itilizasyon lang matènèl kòm zouti pou ansèyman ak aprantisaj. MIT-Ayiti ankouraje itilizasyon teknoloji nan sal klas epi n ap bay gwo bourad nan pwodiksyon ak difizyon materyèl an kreyòl nan tout matyè […] Li plis...

Pwofesè Michel DeGraff, youn nan fondatè INISYATIV MIT-Ayiti, resevwa tit « manm selèk » (Fellow) Sosyete Lengwistik oz Etazini, pi gwo onè yon lengwis ka resevwa

Doktè Michel DeGraff, pwofesè nan depatman lengwistik Massachusetts Institute of Technology (MIT), fèk resevwa tit « manm selèk » (Fellow) nan Linguistic Society of America (LSA). Tit sa a se pi gwo onè akademik pami pwofesyonèl nan domèn lengwistik. Sa se yon rekonesans pou enpak rechèch ak lòt travay pwofesè a nan etid sou lang kreyòl. Nan dat […] Li plis...

Plan leson : Zouti pou yon lòt Batay Vètyè

Sitiyasyon peyi d Ayiti jounen jodi a envite chak Ayisyen konsekan reflechi sou ki pi bon mannyè nou ka fè yon revolisyon kiltirèl — pou n kase chenn mantal neyo kolonyal yo san vyolans. Se travay sa a Grenadyèz Carlène JEAN-PAUL ap ede anseyan ak aprenan yo fè nan yon plan leson sou istwa Batay Vètyè, 18 novanm 1803.

Objektif plan leson sa a se ede aprenan yo idantifye zouti ki ka ede yo jwenn viktwa nan yon lòt 18 novanm, san vyolans, pou yon demen miyò. Li plis...

Plan leson : Fanm Vanyan nan Batay Vètyè

Nou souvan tande pale de gwo potorik gason ki te patisipe nan Batay Vètyè a, tankou Toussaint ak Dessalines. Men, istwa rakonte gen anpil fanm vanyan ki te patisipe nan batay la tou menm jan ak gwo gèrye sa yo. Se sa Anseyan Lidè Sinéus MESILIEN pral ede nou dekouvri nan plan leson sa a ki prezante 4 fanm vanyan ki te patisipe nan revolisyon 1803. Objektif plan leson sa a, se ede aprenan yo idantifye epi dekouvri 4 fanm vanyan ki te patisipe nan batay endepandans peyi d Ayiti. Li plis...

Kolonyal oswa dekolonyal ?

Objektif Pwofesè Jean Casimir nan atik sa a, se esplike fonksyonman mekanik dekolonyal la, ki se mekanik lavi pa nou ki baze sou solidarite, resipwosite, pataj ak kolaborasyon. Se mekanik sa zansèt nou yo, sitou Toussaint ak Dessalines, te itilize pou kontinye konbat fòs kolonyal yo apre endepans nou an 1804. Jodi a, Pwòf Casimir panse nou ka itilize menm mekanik sa pou n retire peyi a nan katyouboumbe li ye a. Li plis...