Resous sa a parèt nan seri : Ana ak Tiga
Liv sa a se nan seri Ana ak Tiga sou aprantisaj sosyal ak emosyonèl ki kreye bon jan ankadreman pou ti moun ann Ayiti. Nan liv sa a, Ana ak Tiga montre wòl salitasyon jwe nan respè youn pou lòt. Respè pou lòt moun vle di ba yo atansyon yo merite epi onore yo kòm sa dwa. Se pou tèt sa Ana ak Tiga aprann di bon jou ak mèsi. Yo aprann manisfeste gratitid yo lè yon moun fè yon byen pou yo. Sa enpòtan anpil nan relasyon moun ak moun.
Platfòm MIT-Ayiti ap remèsye Global Center for the Development of the Whole Child nan University of Notre Dame k ap pwodui liv tankou Ana ak Tiga pou ti moun yo rive grandi tèt an wo.
