Konferans sou #ChampMagnéBIC kòm zouti pou ansèyman

Nan dat 15 jiyè 2021, Sanba BIC Tizon Dife te kole zepòl ak Pwofesè Michel DeGraff, ki se youn nan lidè MIT-Ayiti, pou yo prezante yon konferans sou enpòtans liv Champ MagnéBIC kòm zouti ki djanm nan ansèyman divès matyè nan lekòl ak inivèsite ann Ayiti — « Pou yon lekòl tèt an wo ». Se Kimberly Green Latin American and Caribbean Center, nan Florida International University (FIU), ki te òganize konferans lan nan kad Haitian Summer Institute ki se yon seri aktivite sou lang kreyòl e sou Ayiti ke FIU ofri chak ane.