Save yo rekonèt ke matematik ki sèvi kòm fondasyon syans ak jeni modèn se Kalkil. Inisyativ MIT-Ayiti kontan anpil pou n pataje materyèl pou kou Kalkil sa a gratis ti cheri selon yon lisans Creative Commons ki bay anpil libète pou moun sèvi ak materyèl sa a lib e libè.
Materyèl la chita prensipalman sou yon kaye egzèsis nan fòma nimerik sou entènèt. Nan kaye sa a, w ap jwenn tèks ki enteresan, anpil pwoblèm ki tou vini ak solisyon yo (genyen ladan yo ki difisil anpil), zouti nimerik ki entèraktif e ki pèmèt yon angajman kreyatif ansanm ak anpil lyen pou videyo kou majistral ak ti prezantasyon byen kout ki gen soutit an kreyòl.
Materyèl sa yo se tradiksyon kou MITx MOOC Kalkil 1a sou Derivasyon. Se anseyan matematik nan MITx Jennifer French ak Stephen Wang ki te devlope kou sa a epi yo te genyen yon prim pou sa. Kou a se premye pati nan premye ane pwogram kalkil nan Massachusetts Institute of Technology. Se pwofesè matematik David Jerison ak Gigliola Staffilani ki anseye kou sa a ki suiv kourikoulòm Kalkil pou plasman avanse.
Se Charlot Leonard De Gracia ki tradui materyèl sa a an kreyòl — djanm djanm — ak èd Pwofesè Paul Belony. Derek Rhodes òganize materyèl la nan fòma nou wè l kounye a epi li te sèvi ak entèlijans atifisyèl pou li verifye tradiksyon an. Materyèl yo aksesib san pwoblèm sou plizyè aparèy — telefòn selilè tou. Videyo yo aksesib sou chanèl YouTube sa a.
Nou remèsye MITx pou jan li kore pwojè tradiksyon sa a pandan plizyè ane sa yo ki te nesesè pou travay la fèt kòm sa dwa (« Twò prese pa fè jou louvri » epi « Pito n mize nan wout epi n pote bon nouvèl »). Se brase lide ak Isaac Chuang ki te mennen nou nan pwojè sa a kòm yon fason pou esplore tradiksyon materyèl MITx pou n simaye yo alawonn Badè tou patou nan monn lan. N espere travay sa a se yon pa ann avan nan direksyon sa a.
Lisans Creative Commons lan ankouraje entegrasyon materyèl sa yo nan nenpòt lòt pwogram oswa kourioulòm e nan nenpòt ki fòma depi nou bay MITx ak MIT-Ayiti kredi. Nou swete w ap rive aprann anpil nan kou sa a epi w ap pran yon grap plezi ladan. N ap byen kontan resevwa fidbak ou sou gwo jefò sa a !
Michel DeGraff
Haynes Miller
Welcome Calculus 1a: Differentiation in Kreyòl!
The mathematics that serves as the foundation of modern science and engineering is universally recognized to be Calculus. The MIT-Haiti Initiative is delighted to offer this Calculus courseware, freely available under a liberal Creative Commons license.
It centers on an online Workbook. Within it you will find engaging text, many worked problems and challenging exercises (with solutions), embedded mathematical manipulatives allowing creative engagement with the mathematics, and numerous links to video segments of lectures and short expositions, all equipped with Kreyòl subtitles.
This courseware is a translation of the prize-winning MITx MOOC Calculus 1a: Differentiation, developed under the direction of MITx Math Instructors Jennifer French and Stephen Wang. The course represents the first part of the standard first year calculus course at the Massachusetts Institute of Technology taught by MIT Mathematics Professors David Jerison and Gigliola Staffilani, and is designed to closely track the Calculus AP curriculum.
The Kreyòl translation of the English transcripts was ably carried out by Charlot Leonard De Gracia, with assistance from Professor Paul Belony. Derek Rhodes assembled the course in its present form and organizing an AI-based translation verification. It is designed to work seamlessly on many devices, including cell phones. The video segments are accessible independently of the Workbook at this YouTube channel.
We are deeply indebted to the MITx organization for supporting this translation project over the many years it has been under way. Conversations with Isaac Chuang led to this idea, as a way to explore translation of MITx material in order to increase its global reach. We hope this work is a step in that direction.
The Creative Commons licensing encourages the embedding of this material in any form into any other curriculum—with acknowledgement to MITx and MIT-Ayiti. We hope you learn from this course and enjoy it, and we welcome feedback on this material!
Michel DeGraff
Haynes Miller
Remak